Hamiləliyin 38-ci həftəsi

 

 Hər gün körpə cəmisi 30 qrama qədər çəki yığır.
• Körpə boya 0,5 sm-dən çox vermir.
• Körpənin hərəkətləri getdikcə azalır.
• Doğuş sancıları 25-30 saniyəyə qədər davam edirsə, doğum evinə getmək lazımdır.

 Dölün inkişafı

Körpənin boy və çəkisində artım azalır. Indi o, hər gün cəmisi 30 qrama qədər çəki artırır, yarım santimetrə qədər boya verir. Qara ciyər və mədəaltı vəz inkişaf etməkdə davam edir. Bu proses 2-3 yaşda başa çatacaqdır. Lakin uşaqda bəzi reflekslər artıq tam formalaşmışdır. Məsələn, dünyaya gəldikdən dərhal sonra o, barmaqdan bərk yapışa bilər, döş verdikdə isə, o, reflektor olaraq onu əmməyə başlayacaqdır.

Ananın vəziyyəti

Hamiləliyin 38-ci həftəsinə yaxın əksər qadınlarda az dərəcədə şişkinliklər qeydə alınır. Bu, normaldır. Lakin unutmamalıdır ki, qəfil güclü şişkinlik, habelə təzyiqin kəskin şəkildə artması gestozdan xəbər verə bilər. Güclü baş ağrısı, gözlərdə ikiləşmə ilə müşayiət olunan görmə pozuntusu və ya qusma yarandıqda da, həkimə müraciət etmək lazımdır. Bunlar ağırlaşmış gestoz olan preeklampsiyanın əlamətləri ola bilir. Preeklampsiya ana və uşağın sağlamlığını təhdid edir və bəzi hallarda təcili olaraq doğuşun həyata keçirilməsini tələb edir.

Diqqətli olun!

Doğuşa az qalmış körpə bir qədər az hərəkət etməyə başlayır. İki ay bundan öncə o, saatda 20 dəfəyə qədər təpik atırdısa, indi bu, bir neçə dəfə azalır. Bu, onunla izah olunur ki, uşağın “manevr” etməsi üçün yer az qalır və o, artıq özünü əvvəlki kimi, sərbəst hiss etmir. Körpə uzun müddətlik sakitləşmişdirsə, onda onu, nə isə şirin bir şey yeyib sakit uzanmaqla “tərpətməyə” cəhd etmək olar. Bir qədər qlükoza alan uşaq çox güman ki, aktivləşər. Bu tədbirlərdən sonra da uşaq hələ passivdirsə, onda həkimə zəng etmək lazımdır. Çox güman ki, həkim Sizə USM və ya kardiotokoqrafiya – dölün ürək döyüntülərinə qulaq asma- təyin edəcəkdir.

Doğuş

Doğuşun nəticələrinə görə güclü narahatçılıq keçirirsinizsə, doğum evinə vaxtından əvvəl, 38-ci həftədə, hətta doğum sancılarından əvvəl yatmaq məsləhətdir. Qadının psixoemosional vəziyyəti normaldırsa, o, sakitdirsə, onda evdə, qadının adət etdiyi ev şəraitində qalmaq daha yaxşı olar. Doğum sancıları 7-10 dəqiqə intervallarla 25-30 saniyədən az olmayaraq davam edirsə və bu interval daima azalırsa, doğuş sancılarının intensiviliyi isə qadının bədəninin vəziyyətindən asılı deyildirsə, doğum evinə getmək lazımdır. Həmçinin yadda saxlamaq lazımdır ki, doğuş fəaliyyətinin aktivliyi ana xətti ilə ötürülür, odur ki, doğan qadının anasında doğum sürətli olmuşdursa, onda hamilə qadının özü də bir neçə saat ərzində doğacaqdır.