Qadın sağlamlığı

Qızlıq pərdəsi nədir?

Qızlıq pərdəsi uşaqlıq yolunun girişinə yaxın yerdə, adətən 2-4 sm dərinliyində yerləşən nazik arakəsmədir.

Qızlıq pərdəsinin aybaşı zamanı menstrual ifrazatların orqanizmi tərk edə bilməsi üçün bir və ya bir neçə dəliyi vardır. Adətən qızlıq pərdəsində, arasından barmağı və ya tamponu pərdəni zədələmədən keçirmək üçün kifayət qədər böyük dəlik olur.

 Bakirəlikdən məhrum etmə nədir?

Bakirəlikdən məhrum etmə haqqında yalnız qızın ilk cinsi əlaqəyə girməsindən sonra danışmaq düzgün olardı. Adətən ilk cinsi əlaqədən sonra qızın qızlıq pərdəsi zədələnir. Buna baxmayaraq, elə hallar olur ki, qızlıq pərdəsi seksdən deyil, başqa səbəbdən zədələnir. Bu halda qız yenə də bakirə sayılır, çünki onun kişi ilə yaxınlığı hələ olmayıb.

Qızlıq pərdəsi yalnız seks zamanı zədələnmir

Cinsi həyat keçirməyən qızlarda qızlıq pərdəsinin zədələnməsi halları haqqda bir çox hallar məlumdur. Məsələn, qızlıq pərdəsi velosiped və ya at sürərkən, gimnastika ilə məşğul olarkən zədələnə bilər. Həmçinin qızlıq pərdəsini masturbasiya zamanı, barmaqlarını və ya müxtəlif əşyaları uşaqlıq yoluna soxarkən zədələnə bilər. Əgər aybaşılar zamanı böyük ölçülü tamponlardan istifadə edilibsə, həmçinin qızlıq pərdəsini zədələnə bilər. Bəzən cinsi həyata başlamamış qıza ginekoloji müdaxilə tələb oluna bilər və bu zaman həkim-ginekoloqun özü pərdəni zədələyə bilər.

Bütün bu halların “qızlıq pərdəsinin travmatik zədələnməsi” termininə və bakirəlikdən məhrum etməyə heç bir aidiyyatı yoxdur. Biraz əvvəl şərtləşdiyimiz kimi bakirəlikdən məhrum etmə haqqında yalnız qızın kişi ilə cinsi yaxınlığından sonra danışmaq olar.

Bakirəlikdən məhrum etmə zamanı həmişə qan olur?

Xeyr, həmişə olmur. Qızın bakirə olub-olmadığı haqda, onda birinci seks zamanı qanın olub-olmaması əsasında fikir söyləmək düzgün deyil. Bir çox hallarda qan ilk cinsi əlaqədən bir neçə dəqiqə və ya saat sonra və ya ümumiyyətlə meydana gəlmir.

Qızlıq pərdəsini özbaşına göz və ya əl ilə müəyyən etmək olarmı?

Baxmayaraq ki, qızlıq pərdəsi uşaqlıq yolunda o qədər də dərin yerləşmir, onu özbaşına göz ilə müəyyən etmək mümkün deyil. Həmçinin pərdəni barmaqlar ilə “əlləmək” məsləhət görülmür, çünki bu manipulyasiyalar zamanı pərdəni təsadüfən zədələmək və ya uşaqlıq yoluna infeksiya salmaq olar.

Ginekoloqa müraciət etmədən qızlıq pərdəsinin olub-olmamasını öyrənmək mümkündürmü?

Heç bir qız onun qızlıq pərdəsinin nə “vəziyyətdə” olmasını dəqiq bilə bilməz. Qızlıq pərdəsi bir azca cırılmış ola bilər, hətta seks olmayıbsa belə və ya öz bütövlüyünü ilk cinsi əlaqədən sonra da qoruyub saxlaya bilər. Qızlıq pərdəsinin bütöv və ya zədəli olub-olmamasını yalnız ginekoloji kresloda müayinə zamanı həkim ginekoloq müəyyən edə bilər.

Uzun müddət sekslə məşğul olmadıqda qızlıq pərdəsi yenidən “bütövləşə” bilərmi?

Xeyr, bu praktiki olaraq mümkün deyil. Bakirəliyi itirən qadın bir neçə il dalbadal cinsi həyat sürməsə belə heç vaxt bakirə olmayacaq.

Qızlıq pərdəsini bərpa etmək mümkündürmü?

Bəli, mümkündür. Qızlıq pərdəsinin bütövlüyünü demək olar ki, hər ginekoloq bərpa edə bilər. Tibbdə bu prosedur gimenoplastika və ya, daha az hallarda, reflorasiya adlanır.

Qızlıq pərdəsinin bərpası kimə lazım ola bilər?

Əksər hallarda gimenoplastikaya sosial və ya dini səbəblərdən müraciət edirlər. Bəzi mədəniyyətlərdə ilk nigah gecəsi zamanı kişi qızlıq pərdəsinin olmamasına şübhələndikdə qadının həyatı təhlükə altında ola bilər. Bu zaman ətrafdakıları, qızlıq pərdəsinin hansı şəraitdə zədələndiyi (ola bilsin ki, qız həqiqətən də hələ bakirədir, lakin pərdə gimnastika və s. ilə məşğul olarkən zədələnmişdir) maraqlandırmır. Əlbəttə ki, bu hallarda qızlıq pərdəsinin bərpası kosmetik prosedurdan daha böyük bir şeydir.

Həmçinin bir çox hallarda bir gün səhv etmiş və onu düzəltmək istəyən qızlar ginekoloqlara müraciət edirlər. Burada utanılacaq bir şey yoxdur və özünüzü günahlandırmaq lazım deyil. Zorakılığın qurbanlarını da xatırlamamaq olmaz, hansıların ki, əlbəttə ki, heç bir günahları yoxdur.

Elə hallar olur ki, qızlıq pərdəsinin bərpası üzrə proseduru ərli, doğum keçirmiş qadınlara tətbiq edirlər: məsələn, əgər o və ya onun həyat yoldaşı cinsi həyatına biraz maraq qatmaq istəyirsə.

Qadının qızlıq pərdəsini bərpa etmək istəməsi üçün bir çox səbəb mövcuddur və gimenoplastika üçün əsas göstəriş qadının istəyidir.

Qızlıq pərdəsinin bərpası kimlər üçün qadağandır?

Qızlıq pərdəsinin bütövlüyünün bərpası üçün heç bir əks-göstərişlər mövcüd deyil. Buna baxmayaraq, prosedurdan əvvəl bir sıra müayinələri keçmək lazım gələcəkdir, o cümlədən yaxma nümünəsinin götürülməsini. Əgər yaxma nümunəsi uşaqlıq yolunda iltihabın olmasını göstərərsə, pərdənin bərpası üzrə proseduru iltihabın keçməsinə kimi təxirə salmaq lazım gələcəkdir.

Qızlıq pərdəsini necə bərpa edirlər?

Qızlıq pərdəsinin bərpası üzrə bir neçə üsul mövcuddur; hər şey sizi ginekoloqun qəbuluna gətirib çıxaran səbəbdən asılıdır.

Qızlıq pərdəsinin tikilməsi

Əgər bakirəliyin bərpası təcili tələb olunursa (məsələn, toy bir həftədən sonra baş verəcək), o zaman qızlıq pərdəsinin xüsusi tikiş materialı (sapları) vasitəsi ilə adi tikiş həyata keçirilir. Bu saplar qızlıq pərdəsinin ayrı-ayrı fraqmentlərini bir yerdə saxlayır, bu isə cinsi partnyora bakirə qadınla seks zamanında olduğu hissləri yaşamağa imkan verir. Seks zamanı qadında həmçinin qan müşahidə oluna bilər (lakin həmişə deyil, çünki “həqiqi” bakirələrdə də qan heç də həmişə əmələ gəlmir)

Bu prosedurun üstünlükləri;

• ucuz
• ən çoxu 30 dəqiqə çəkir
• prosedurdan sonra bərpa cəmi bir neçə saat çəkir

Bu prosedurun çatışmazlıqları:

• effekt ən çoxu 2 həftə davam edir; artıq 2 həftədən sonra saplar sorulub gedir və qızlıq pərdəsi əməliyyətdən öncə olduğu kimi olacaqdır
• Müayinə zamanı digər ginekoloq qızlıq pərdəsinin bərpası üzrə əməliyyatın keçirildiyini anlaya biləcəkdir (yəni, ginekoloqu “aldatmaq” alınmayacaqdır)

Üçqatlı gimenoplastika

Bu prosedur ginekoloq tərəfindən daha çox vaxt və səy tələb edir, lakin üçqatlı gimenoplastikanın nəticələri buna dəyər. Bu prosedur zamanı ginekoloq uşaqlıq yolunun selikli təbəqəsinin sahələrini də tutaraq qızlıq pərdəsinin fraqmentlərini bir yerə yığaraq tikir. Bunun sayəsində “həqiqi” qızlıq pərdəsindən praktiki olaraq fərqləndirmək mümkün olmayacaq yeni pərdə formalaşır.

Bu prosedurların üstünlükləri;

• əgər qadın cinsi həyat keçirmirsə, bu “bakirəlik” effekti 2-3 il saxlanılır
• "yeni" bakirləlik pərdəsi cəmi 2-3 həftədən sonra “əsl”dən heç nə ilə fərqlənməyəcəkdir və təcrübəli ginekoloq anlaya bilməyəcək ki, əməliyyat tətbiq edilmişdir (ginekoloqu “aldatmaq” mümkündür).

Bu prosedurun çatışmazlıqları:

• daha bahalıdır
• iki saata yaxın davam edir
• əməliyyatdan sonra bərpa bir həftədən çox vaxt aparır
• cinsi əlaqə zamanı güclü ağrılar və ya çoxlu qan əmələ gələ bilər

Bu haqda kim bilə bilər?

Adətən, qızlıq pərdəsinin bərpası üzrə xidmət təklif edən klinikalarda anonimlik prinsipi qüvvədədir. Yəni, həqiqi olmayan ad və soyad bildirə bilərsiniz və ya xətə haqqında məlumatlar hamıdan sirrli saxlanılacaqdır (o cümlədən, anadan, sahə həkimindən, poliklinika ginekoloqundan, nişanlınızdan və s.)

Mənim partnyorum fərqi hiss edəcəkmi?

Qızlıq pərdəsinin bərpa üsulundan asılı olmayaraq cinsi partnyor fərqi hiss etməyəcək.